Zelenskinin meyitlərdən imtina səbəbi bu imiş…

"Ukrayna Prezidenti Volodimir Zelenskiməsuliyyətdən yayınmaq istəyir. Buna görə də həlak olan əsgərlərin cəsədlərinin qəbulundan imtina edir".

Olaylar.az xəbər verir ki, bunu Ali Radanın deputatı Artem Dmitruk deyib.

O bildirib ki, Moskva ilə razılaşmanı ilk pozan Kiyevdir:

"Zelenski və komandası özlərinin qazdıqları "quyudan" necə çıxacaqlarını bilmirlər".

Qeyd edək ki, iyunun 7-də Rusiya nümayəndə heyəti Türkiyədə aparılan danışıqlar zamanı əldə olunmuş razılaşmaları yerinə yetirmək və hərbçilərin cəsədlərinin ilk partiyasını Ukraynaya təhvil vermək üçün sərhəddəki mübadilə məntəqəsinə gəlib.

Ümumilikdə 1212 cəsəd mübadiləsi üçün təyin olunmuş yerə çatdırılıb. Buna baxmayaraq, Kiyev nümayəndələri gözlənilmədən cəsədlərin mübadiləsini qeyri-müəyyən vaxta qədər təxirə salıblar.