Rusiyada təyyarə səmada yoxa çıxdı

Yakutiyada göyərtəsində 5 nəfərin olduğu An-2 tipli təyyarə ilə əlaqə kəsilib.

Olaylar.az xəbər verir ki, "RİA Novosti"nin yaydığı məlumata əsasən, təyyarə meşə yanğınlarının vəziyyətini izləmək üçün havaya qalxıb, lakin müəyyən mərhələdən sonra onunla rabitə tamamilə itib.

Təyyarədə iki ekipaj üzvü və "Avialesoxrana" təşkilatının üç əməkdaşı olub.

Hazırda axtarış-xilasetmə tədbirləri həyata keçirilir.