Avrozonaya doğru bir addım: Avropa Komissiyası Bolqarıstanın üzvlüyünü tövsiyə etdi- ÖZƏL

Avropa Komissiyası (AK) Bolqarıstanın 1 yanvar 2026-cı ildən etibarən avrozonaya daxil olması üçün bütün meyarlara cavab verdiyini bildirib. Olaylar.az xəbər verir ki, bu barədə AK-nın 4 iyun tarixində Brüsseldə yayımladığı rəsmi bəyanatda qeyd olunub.
"Bolqarıstan bütün tələb olunan meyarlara cavab verir. Avropa Komissiyası bu ölkənin 2026-cı il yanvarın 1-dən avrozonaya qəbul edilməsini tövsiyə edir," - deyə sənəddə bildirilir.
Bu mərhələdən sonra son qərar Avroqrup tərəfindən - avrozonaya daxil olan ölkələrin iqtisadiyyat və maliyyə nazirlərindən ibarət Şura tərəfindən qəbul olunmalıdır.
Bolqarıstanın avroya keçidi Avropa İttifaqı üçün mühüm maliyyə və siyasi addım kimi qiymətləndirilir.