Tramp: ABŞ silah ehtiyatlarını görünməmiş templə artırır – ÖZƏL

Olaylar.az xəbər verir ki, ABŞ prezidenti Donald Tramp Truth Social platformasında etdiyi paylaşımda ölkənin silah ehtiyatlarını görünməmiş templə artırdığını bildirib.

"Silahlı Qüvvələrimizin rəhbərləri ilə əla bir söhbət etdik. Bu, indiyə qədər malik olduğumuz ən güclü ordu qüvvələridir. ABŞ daha əvvəl heç vaxt bu sürətlə silah toplamayıb", - deyə Tramp qeyd edib.

O, ABŞ ordusunun heç vaxt istifadə edilməməsinə ümid etdiyini vurğulayıb. Tramp həmçinin dəfələrlə Ukraynadakı münaqişənin dayandırılmasının vacibliyini bildirib.

Bundan əvvəl Ağ Evdən verilən açıqlamaya görə, Tramp Rusiya prezidenti Vladimir Putin və Ukrayna prezidenti Volodimir Zelenski ilə mümkün görüşlərə açıqdır. Lakin o, Moskva ilə Kiyev arasında birbaşa sülh danışıqlarını üstün tutur.