Nigeriya ordusu şimalda 60 terrorçunu zərərsizləşdirdi- ÖZƏL

Nigeriya Silahlı Qüvvələri ölkənin şimalında keçirilən genişmiqyaslı antiterror əməliyyatı zamanı azı 60 terrorçunu zərərsizləşdirib. Olaylar.az xəbər verir ki, bu barədə Daily Post nəşri ölkənin Baş Qərargahının məlumatına istinadən xəbər verib.
Əməliyyatlar "Hadin Kai" (Hausa dilində "Birlik") adı altında Borno ştatının Bita bölgəsində quru qoşunları və hərbi hava qüvvələrinin birgə iştirakı ilə həyata keçirilib. Ordunun verdiyi məlumata görə, qanunsuz silahlı birləşmələrin azı 60 üzvü məhv edilib.
Qeyd edək ki, mayın 3-də Nigeriya Prezidenti Bola Tinubu hökumət ordusunun təchizatını gücləndirəcəyini və ölkənin şimalında fəaliyyətini artıran terror və ekstremist qrupların tamamilə ləğv ediləcəyini bəyan etmişdi.
Son dövrlər xüsusilə Adamava, Borno və Yobe ştatlarında "Qərbi Afrikada İŞİD" (Rusiya Federasiyasında qadağan olunub) və "Boko Haram" kimi təşkilatların fəallığı artmaqdadır. Bu qruplaşmalar hücumlar zamanı tez-tez əl işi partlayıcı qurğulardan və pilotsuz uçuş aparatlarından istifadə edirlər.
Nigeriyada fəaliyyət göstərən bu silahlı qruplar yalnız ölkənin deyil, həm də qonşu dövlətlərin - Kamerun, Niger və Çadın təhlükəsizliyi üçün ciddi təhdid sayılır.