Tramp Ukrayna danışıqlarından çəkilərək Yaxın Şərqə yönələcəkmi? - ÖZƏL

ABŞ keçmiş milli təhlükəsizlik müşaviri Con Bolton hesab edir ki, ABŞ Prezidenti Donald Tramp Ukrayna ilə bağlı danışıqlardan çıxaraq diqqətini Yaxın Şərq məsələlərinə yönəldə bilər.
Olaylar.az xəbər verir ki, Boltonun fikrincə, Tramp "Nobel Sülh Mükafatını almaq istəyir". O, bildirib ki, Tramp bu mükafatı ya Ukrayna, ya da Yaxın Şərq məsələsində, yaxud Hindistan ilə Pakistan arasında vasitəçilikdə almaq arzusundadır. Keçmiş müşavir əlavə edib: "O, bu mükafatı almağı çox istəyirdi, xüsusilə Barak Obamanın aldığı vaxtdan etibarən, onu isə ədalətsiz şəkildə aldığını düşünürdü".
Bolton vurğulayıb ki, Tramp Ukraynada uğur qazanmasa, danışıqlardan çəkilərək diqqətini Yaxın Şərqə yönəldə bilər. O həmçinin bildirib ki, Trampın üçüncü prezidentlik müddətinə namizəd olması barədə söhbətlər olsa da, bir çox daxili və xarici siyasət addımları onun yenidən seçilməyə çalışmayacağını göstərir.
ABŞ konqresmeni Darrell Issa mart 2025-ci ildə Trampı Nobel Sülh Mükafatına namizəd göstərib. Bundan əvvəl isə 2024-cü ilin yanvarında Konqres üzvü Klodiya Tenni Trampı İsrail ilə BƏƏ və Bəhreyn arasında əlaqələrin normallaşmasına dair "Əbrəhim razılaşmaları"nın imzalanmasında köməyi səbəbindən bu mükafata layiq görmüşdü. Ümumilikdə, Tramp bu mükafat üçün dörd dəfə namizəd göstərilib.