“Ayakve”: Ermənistan hakimiyyəti kapitulyasiya sənədini imzalamağa hazırlaşır – ÖZƏL

Ermənistanda hakimiyyət ictimaiyyəti mövcud problemlərdən yayındırmaq və əvvəlcədən hazırlanmış kapitulyasiya sənədini imzalamaq məqsədilə xalqımıza qarşı yeni informasiya terroru həyata keçirir. 

Olaylar.az xəbər verir ki, bu barədə "Ayakve" Milli Vətəndaş Birliyinin bəyanatında qeyd olunur.

Bəyanatda bildirilir ki, Tiranada keçirilmiş  Avropa Siyasi Konfransından sonra Ermənistan rəhbərliyinin yeni məğlubiyyət yönümlü öhdəliklər götürdüyü aydın olub. Sənəddə, həmçinin, Qarabağın  Azərbaycanın "Qərbi Azərbaycan" tezisi ilə eyniləşdirilməsinin, azərbaycanlıların Ermənistana yerləşdirilməsi planının əsaslandırılmasına xidmət etdiyi iddia olunur.

Təşkilat  Ermənistan baş nazirini   Azərbaycanın tələblərini qəbul etməkdə, o cümlədən müstəqillik aktından imtina etməkdə və yeni Konstitusiyaya hazırlaşmaqda ittiham edir. Bəyanatda  Azərbaycanın Sünik bölgəsinə iddialarından, azərbaycanlıların "erməni kəndlərini atəşə tutmasından" və Bakıda aparılan "saxta məhkəmə proseslərindən" də narahatlıq ifadə olunub.

"Vətənin növbəti dəfə satılması cəhdi baş tutmayacaq. Biz düşmənə xidmət edən hakimiyyətin məsuliyyətə cəlb olunmasına sadiqik", - deyə bəyanatda qeyd olunur.