Pezeşkian: “Onlar bizi qaralasa da, dünya xalqlarını özləri talayırlar” – ÖZƏL

İran Prezidenti Məsud Pezeşkian ABŞ Prezidentinin İrana qarşı səsləndirdiyi ittihamlara cavab verib. 

Olaylar.az xəbər verir ki, o, bu fikirlərini hökumətin altıncı rəsmi səfəri çərçivəsində Kirmanşah şəhərinə səfəri zamanı ictimaiyyət qarşısında çıxış edərkən bildirib.

"Onlar bizi oğru kimi təqdim edirlər, halbuki özləri bütün dünyanı talayırlar. Biz xalqımıza xidmət etmək üçün hər şeyimizi ortaya qoymuşuq", - deyə Pezeşkian vurğulayıb.

Prezident həmçinin xatırladıb ki, İran artıq 47 ildir sanksiyalarla üz-üzədir: "Onlar bizi tanımırlar. Bu torpaq qəhrəmanlar, alimlər və fədakar insanlarla doludur. Məhz buna görə ölkəmizi diz çökdürə bilmədilər."

Prezident əlavə edib: "Biz İranı tacirlərimiz, alimlərimiz, elitalarımız və idarəçilərimizlə birlikdə gücləndirəcəyik. Elə bir İran quracağıq ki, heç kim təsəvvür belə edə bilməz. Əlbəttə, problemlərimiz var, lakin biz onları Allahın köməyi ilə bir-bir aşacağıq. Rəhbərliyimizin rəhbərliyi altında bu millət bütün böhranları geridə qoyacaq."