Baş nazirin SMS-lə vəzifədən azad etməsi mübahisə doğurdu— ÖZƏL

Olaylar.az xəbər verir: 
Ermənistan parlamentində müzakirələrə səbəb olan hadisə ilə bağlı deputat Armenuhi Kyureğyan Anti-Korrupsiya Komitəsinin rəhbəri Artur Nahapetyana sual ünvanlayıb. O, Baş nazirin Bütünhakimiyyətli Ədalət Şurasının sədrini SMS vasitəsilə vəzifədən azad etdiyini, eyni zamanda deputatlar, DİN və İstintaq Komitəsi ilə əlaqə saxladığını bildirib. Deputat bu halın siyasi korrupsiya olub-olmadığını sorğulayıb və cinayət işi açılıb-açılmadığı ilə maraqlanıb.Artur Nahapetyan cavabında bildirib ki, "siyasi korrupsiya" anlayışı Komitənin hüquqi çərçivəsində mövcud deyil və yalnız Cinayət Məcəlləsində nəzərdə tutulan hallar əsasında fəaliyyət göstərirlər. Onun sözlərinə görə, təqdim olunan məlumatlarda korrupsiya əlamətləri aşkar edilməyib.