Gürcüstan Aİ yolunda qət etdiyi addımları müdafiə edir – Şalva Papuaşvili – ÖZƏL
Olaylar.az xəbər verir ki, Gürcüstan parlamentinin sədri Şalva Papuaşvili Budapeştdə Avropa İttifaqına üzv və tərəfdaş ölkələrin parlament rəhbərlərinin konfransında çıxış edərək bildirib ki, Gürcüstan Aİ-yə üzv olmaq yoluna sadiqdir və bu istiqamətdə ən çox iş görən hökumətə malikdir.
O, bəzi Aİ strukturlarının seçkilərlə formalaşmış parlamentlə direktiv dili ilə danışdığını, bunun isə demokratik plüralizm prinsiplərinə zidd olduğunu qeyd edib. Papuaşvili vurğulayıb ki, milli dövlətlərin cəmiyyətində kiçik ölkələrin səsi də eşidilməlidir və qərarlar mərkəzləşdirilmiş orqanlarda deyil, xalqa daha yaxın strukturlarda qəbul olunmalıdır.
O, həmçinin qeyd edib ki, federallaşma və suverenliklə bağlı müzakirələr inteqrasiyanın faydalarını maksimum artırmalı və üzv ölkələrin müstəqilliyinə hörmətlə yanaşmalıdır.