Mertz Rusiyanı sanksiyalarla hədələyib

Almaniyanın kansleri Fridrix Mertz rəsmi Moskvanın Ukraynada 30 günlük atəşkəs barədə təklifləri rədd edəcəyi təqdirdə, Rusiyaya qarşı sanksiyaların kəskinləşdiriləcəyini bəyan edib.

Olaylar.az xəbər verir ki, bu barədə o, "Bild" qəzetinin jurnalistinə Kiyevdə verdiyi müsahibədə bildirib.

"Biz Amerika hökuməti, eləcə də, Donald Trampla razıyıq. Biz 30 günlük atəşkəsə çağırırıq ki, bu müddət ərzində sülh danışıqlarına hazırlaşmaq mümkün olsun", - deyə Mertz bildirib.

Almaniyalı kansler əmin edir ki, artıq "top meydanın Rusiyaya aid olan tərəfindədir" və seçimi Moskva etməlidir.

Onun sözlərinə görə, əgər Moskva (bu təkliflərə) reaksiya göstərməsə, sülh danışıqlarından imtina etsə, Avropa İttifaqı, Böyük Britaniya və ABŞ buna əlaqələndirilmiş cavab verəcək.

"Ardınca sanskiyalar miqyası baxımından sərtləşdiriləcək, Ukrayna isə miqyaslı yardımı - siyasi, maliyyə, o cümlədən, hərbi yardımları almağa davam edəcək", - deyə Mertz bildirib.