Hindistan və Pakistan arasında gərginlik artır, diplomatik kanallar aktivdir – ÖZƏL

Pakistanın informasiya naziri Attaulla Tarar bildirib ki, Hindistan və Pakistan arasında vəziyyət gərgin olaraq qalır, lakin tərəflər arasında bir sıra diplomatik kanallar fəaliyyət göstərir. 

Olaylar.az xəbər verir ki, bu barədə o, RİA Novosti agentliyinə açıqlamasında deyib.

"Son saatlar, xüsusilə son 24 saat ərzində bir çox diplomatik kanal işə salınıb. Aydındır ki, iki ölkə arasında gərginlik artır və bunu inkar etmək olmaz, lakin diplomatik əlaqələr davam edir," - deyə Tarar qeyd edib.

Nazir həmçinin bildirib ki, ABŞ dövlət katibi Marko Rubionun Pakistanın baş naziri Şahbaz Şərif və Hindistanın xarici işlər naziri Subramanyam Cayşankar ilə apardığı danışıqlara baxmayaraq, İslamabad və Yeni Dehli arasındakı münasibətlər hələ də gərgindir.