ABŞ danışıqlarda irəliləyişin tezliklə baş verməsini gözləyir – ÖZƏL

Olaylar.az xəbər verir ki, ABŞ dövlət katibi Marko Rubio bildirib ki, Rusiya və Ukrayna arasında sülh danışıqlarında irəliləyişin çox tezliklə baş verməsi vacibdir. O qeyd edib ki, ABŞ-nin bu prosesdə iştirakının nə qədər davam edəcəyinə Prezident Donald Tramp qərar verəcək.

Rubio Fox News-a müsahibəsində bildirib: "Rusiya və Ukrayna mövqelərini müəyyən qədər yaxınlaşdırıblar, lakin hələ də aralarındakı məsafə böyükdür və irəliləyiş vacibdir."

O əlavə edib ki, artıq Ukraynanın Rusiyanı 2014-cü ildən əvvəlki sərhədlərə qaytarmaq imkanları real deyil və bu faktla barışmaq lazımdır.

ABŞ Dövlət Departamentinin nümayəndəsi Temmi Brüs isə bəyan edib ki, Vaşinqton artıq vasitəçi rolunu davam etdirməyəcək və Moskva ilə Kiyev arasında birbaşa danışıqların vaxtının çatdığını düşünür.