ABŞ limanlarında avtomobillər yığılır, 25%-lik rüsumlar vəziyyəti gərginləşdirir– ÖZƏL

Olaylar.az xəbər verir ki, Financial Times-ın məlumatına görə ABŞ limanları, prezident Donald Trampın xarici avtomobillərə tətbiq etdiyi 25%-lik gömrük rüsumları ilə dolub. Növbəti həftələrdə vəziyyətin kritik hala gələcəyi bildirilib.

Qəzetin məlumatına görə, avtomobil istehsalçıları avtomobillərin satış mərkəzlərinə göndərilməsini dayandırıb. Lakin, limanlarda avtomobillərin saxlanılması üçün ödənilən rüsumlar yüksək olduğundan, ixracatçılar mümkün olduğunca bu avtomobilləri ABŞ-ın gömrük anbarlarına köçürməyə çalışırlar.

Bundan əlavə, avtomobil şirkətləri, ABŞ ilə ticarət tərəfdaşları arasında bir növ razılaşma gözləyirlər.

FT-nin ekspertlərlə apardığı söhbətə görə, Kanada ilə dəmir yoluyla gətirilən bəzi nəqliyyat vasitələri Detroit limanına giriş zamanı tıxanıb.

Xatırladaq ki, 2 aprel tarixində Tramp "bütün ölkələrə qarşı" yeni ticarət rüsumlarının tətbiq edildiyini açıqlamışdı. Avropadan gətirilən əksər mallara 20%, Çindən 34%, Cənubi Afrikadan 30%, Hindistandan 26%, Cənubi Koreyadan 25%, Yaponiyadan isə 24% rüsum təyin olunub, xarici nəqliyyat vasitələri üçün isə 25% rüsum müəyyən edilib.