İrakli Okruaşvili: “Ümid edirəm ki, mənə kiçik bir “endirim” edəcəklər” – ÖZƏL

Olaylar.az xəbər verir ki, Gürcüstanın keçmiş müdafiə naziri İrakli Okruaşviliyə, Gürcüstan Parlamentinin müvəqqəti istintaq komissiyasının tələbinə əməl etmədiyinə görə, rəsmi ittiham irəli sürülüb. Məhkəmənin həbs-qətimkan tədbiri ilə bağlı keçirəcəyi iclasa dair verilən suala cavab olaraq, Okruaşvili ironiya ilə bildirib: "Ümid edirəm, Badrid Caparidze və Mamuka Xazaradzeylə müqayisədə mənə kiçik bir "endirim" edərlər".

O, həmçinin bildirib ki, istintaq komissiyasını qanuni və əxlaqi baxımdan legitim hesab etmir:
"Heç kimdə mənəvi haqqı yoxdur iştirak etsin o maskaradda, o adlandırılan komissiyada - hələ də onlarla gənc, o cümlədən Mzia Amaglobeli həbsdə olduğu müddətdə. Heç bir komissiya yoxdur, necə ki Gürcüstanın parlamenti də yoxdur. Mənə uşaq yaşlarımdan öyrədiblər ki, Xəbərdar günündə hətta quşlar da yuva qurmur. Ancaq görünür, bu binada və ümumiyyətlə hakimiyyətdə başqa təqvimlə işləyirlər - mənə ittihamı sürətli qaydada irəli sürdülər."

Xatırladaq ki, İrakli Okruaşvili parlamentin müvəqqəti istintaq komissiyasına izahat üçün çağırılsa da, iclasa qatılmaqdan imtina edib. Bu hərəkət Gürcüstan Cinayət Məcəlləsinin 349-cu maddəsi ilə cinayət sayılır və qanunvericiliyə görə, bu əməlin qarşılığında pul cəriməsi, bir ilə qədər azadlıqdan məhrumetmə və ya üç ilədək müddətə vəzifə və peşə fəaliyyəti hüququndan məhrumetmə cəzası nəzərdə tutulur.