SEPAH tankeri ələ keçirdi – ABŞ ordusu xilas edə bilmədi

Fars körfəzində daha bir xarici tanker İslam İnqilabı Keşikçiləri Korpusunun (SEPAH) bölmələri tərəfindən saxlanılıb.

Olaylar.az Axar.az-a istinadən xəbər verir ki, bu barədə İran hökuməti məlumat yayıb.

İddia edilib ki, tanker qaçaqmalçılıq yolu ilə yanacaq daşıyırmış.

Vitse-admiral Ramazan Zirrahinin sözlərinə görə, gəminin kapitanı ələkeçirmə zamanı ABŞ hərbçilərinə müraciət edib:

"ABŞ hərbçiləri iki A-10 hücum təyyarəsi, bir P-8A sualtı təyyarə, iki helikopter və bir pilotsuz uçan aparatı havaya qaldırıb, həmçinin saxlanılan yerə patrul katerləri göndərib. Lakin onların bütün cəhdləri nəticəsiz qalıb".