Almaniya Ukraynanın NATO-ya daxil olması üçün uyğun vaxt olmadığını düşünür- ÖZƏL

Almaniya hökuməti mənbələrinin bildirdiyinə görə, Litvanın paytaxtı Vilnüsdə keçiriləcək NATO sammitində Ukraynaya NATO-ya üzv olmaq dəvəti olmayacaq.

Hökumətə yaxın mənbələrdən əldə edilən məlumata görə, Ukraynanın NATO-ya üzvlüyü üçün konkret addımlar atmağın vaxtı deyil. NATO üzvü olan müttəfiqlər arasında bu məsələdə konsensus yoxdur. Almaniya daha çox diqqətini Ukraynaya konkret yardım göstərməyə yönəltmək istəyir. Bildirilib ki, NATO sammiti zamanı Almaniyanın Ukraynaya hərbi texnikanın çatdırılması ilə bağlı mühüm açıqlama paylaşacağı gözlənilir. Digər tərəfdən İsveçin NATO-ya üzvlüklə bağlı nikbin olduğu, İsveçin Türkiyənin tələbləri ilə bağlı konkret addımlar atdığı və bu səbəbdən üzvlüklə bağlı müsbət irəliləyişin gözləndiyi iddia edilib. Türkiyənin İsveç üçün qarşıya qoyduğu hədəfə çatdığını iddia edən mənbələr İsveçin alyansa qoşulmasının vacibliyini vurğulayıblar.