ABŞ İranın hücumunun QARŞISINI ALDI

ABŞ Hərbi Dəniz Qüvvələri İranın Oman dənizində neft tankerini ələ keçirməsinin qarşısını alıb.

Olaylar.az Axar.az-a istinadən xəbər verir ki, bu barədə ABŞ Mərkəzi Komandanlığının komandanı Maykl Korilla açıqlama verib.

"İran qüvvələri Oman sahilləri yaxınlığında olan neft tankerlərindən birinə bir neçə dəfə atəş açıb. Bu, beynəlxalq qanunlara ziddir. İran regionda nəqliyyatın təhlükəsizliyinə xələl gətirir", - o bildirib.

Ağ Evin Milli Təhlükəsizlik Şurası məsələ ilə bağlı yaydığı bəyanatda Amerikanın Yaxın Şərqdəki müttəfiqləri ilə birlikdə İranın təcavüzünə cavab verəcəyini açıqlayıb.

ABŞ Mərkəzi Komandanlığının məlumatına görə, 2021-ci ildən indiyədək İran beynəlxalq sularda 20-yə yaxın ticarət gəmisinə hücum edib və ələ keçirib.