Çerniqov hava hücumuna məruz qalıb - ÖLƏNLƏR VAR

Ukraynanın Çerniqov şəhərinə Rusiya ordusu tərəfindən artilleriya və hava hücumları nəticəsində ötən 24 saat ərzində 53 nəfər həlak olub.

Olaylar.az xəbər verir ki, bunu Çerniqov Əyalət Hərbi Administrasiyasın rəhbəri Viaçeslav Çaus "Telegram" kanalında bildirib.

O, işğalçıların əyalət mərkəzinə girə bilmədiklərini, Ukrayna ordusu ilə toqquşmalarda xeyli itki verdiklərini diqqətə çatdırıb.

V.Çaus bununla yanaşı, şəhər sakinlərinin təxliyəsi üçün "yaşıl dəhliz" açdırmaq üçün danışıqların aparıldığını söyləyib.