Ukrayna XİN: “Rusiya Xersonda saxta referendum keçirməyə çalışır”

"Rusiya Ukraynanın Xerson vilayətində saxta referendum keçirməyə çalışır".

Sfera.az xəbər verir ki, bunu Ukraynanın xarici işlər naziri Dmitri Kuleba sosial media hesabında yazıb.

"2014-cü ildəki oyundan sonra Rusiya indi də Xersonda saxta "xalq respublikası" üçün qeyri-qanuni "referendum" təşkil etməyə çalışır. Xalqın dəstəyininin "sıfır" olduğunu nəzərə alsaq, bəllidir ki, bu "referendum" tam səhnələşdiriləcək. Xerson həmişə Ukraynanındır və Ukraynanın olacaq", - deyə nazir bildirib.