Bayden yenə Rusiyanın ağır bədəl ödəyəcəyini dedi, yeni sanksiya paketini açıqladı: "Rusiyanın iqtisadiyyatını yıxdıq"

"Rusiya ağır bədəl ödəyəcək".

Olaylar.az xəbər verir ki, bu sözləri ABŞ prezidenti Bayden deyib.

O, Rusiyaya yeni sanksiyalar tərbiq etdiiklərini də açıqlayıb: "Bu gündən Rusiya ilə normal ticarət əlaqəsini də dayandırdıq. Rusiyanın beynəlxalq maliyyə qurumlarında da kredit almasına imkan verməyəcəyik. Bununla dayanmayacağıq, yeni tədbirlər alınacaq".

O bildirib ki, Rusiya elə bir vəziyyətə salınıb ki, Moskva birjası da açıla bilmir: "Açılarsa, dərhal çökəcək. Rusiyanın iqtisadiyyatını yıxdıq".

Bayden Ukrayna savaşına toxunaraq, qeyd edib ki, NATO prosesə birbaşa müdaxilə edə bilməz: "Bu, 3-cü Dünya müharibəsinə səbəb olacaq".

ABŞ prezidenti əlavə edib ki, Putinin Ukrayna savaşında qalib gələcəyiinə inanmır.