Ukraynada müvəqqəti atəşkəs rejimi başlayıb

Olaylar.az xarici KİV-ə istinadən xəbər verir ki, Ukraynada paytaxt Kiyev də daxil olmaqla 5 şəhərdən mülki əhalinin təxliyəsi üçün elan edilən müvəqqəti atəşkəs başlayıb.

Rusiyanın Kiyev, Çerniqov, Sumi, Xarkov və Mariupol şəhərlərində elan etdiyi atəşkəs qüvvəyə minib.

Rusiya Müdafiə Nazirliyinin Müdafiə İdarəetmə Mərkəzinin martın 8-də  verdiyi açıqlamada Rusiya tərəfinin "humanitar dəhlizlər yaratmağa hazır olduğu" vurğulanıb.

Bəyanatda qeyd edilib ki, Ukrayna administrasiyası təxliyyələr zamanı müəyyən edilən marşrutlarda təhlükəsizliyi təmin etməlidir.