Putin, Şoyqu, Lavrov… – 100 rusiyalıya Yeni Zelandiyaya giriş qadağan olundu

Yeni Zelandiya hökuməti aralarında Rusiya prezidenti Vladimir Putin, xarici işlər naziri Sergey Lavrov, müdafiə naziri Sergey Şoyqu və baş nazir Mixail Mişustinin də olduğu 100 rusiyalıya sanksiya tətbiq edib.

Olaylar.az xəbər verir ki, bu barədə ölkənin Xarici İşlər və Ticarət Nazirliyi məlumat yayıb. Məlumata görə, sanksiya Ukraynadakı hərbi əməliyyatlarla əlaqəli şəxslərin Yeni Zelandiyaya girişinə qadağanı nəzərdə tutur.

Yeni Zelandiyanın baş naziri Jasinda Ardern və xarici işlər naziri Nanaya Mauta hələ fevralın 24-də ölkənin Rusiya rəsmilərinə qarşı sanksiyalar hazırladığını bildirmişdilər.