Bu dünya brendləri də Rusiyadan getdi

"Zara", "Zara Home", "Massimo Dutti", "Bershka", "Oysho", "Pull & Bear", "Stradivarius" və "Uterqüe" kimi iri mağazalar şəbəkələrinin sahibi olan İspaniyanın "Inditex" şirkəti Rusiyadakı fəaliyyətini dayandırır.

Şirkət 502 mağazasını (onlardan 86-sı "Zara") bağlayır və onlayn satış həyata keçirməyəcək.

Bu barədə şirkətin yaydığı məlumatda bildirilir.

Məlumata görə, şirkətin ümumi mənfəətinin təxminən 8,5 faizi Rusiyanın payına düşür.

Şirkətin açıqlamasında deyilir ki, bütün mağazalar icarə əsasında fəaliyyət göstərir, ona görə də investisiya maliyyə baxımından cari maraq doğurmur.