Meksika Ukraynaya humanitar yardım göndərəcək

Olaylar.az xarici KİV-ə istinadən xəbər verir ki, Ukrayna parlamentinin silah dəstəyinə mənfi cavab verən Meksika yalnız humanitar yardım göstərəcəyini açıqlayıb.

Milli Sarayda gündəlik mətbuat konfransında çıxış edən Andres Manuel Lopez Obrador Rusiya-Ukrayna müharibəsində həll yolunun diplomatiya olduğunu müdafiə edərək, "Biz heç yerə silah göndərmirik, sülhsevərik. Vətəndaşlara müdafiə və humanitar yardım göstəriləcək"-deyə söyləyib.

Meksikanın xarici işlər naziri Marselo Ebrard, 44-ü meksikalı olmaqla cəmi 81 nəfərin humanitar təyyarə ilə ölkəyə gətirildiyini bildirərək, lazım gələrsə, Meksika vətəndaşlarını gətirmək üçün ikinci humanitar uçuşa hazır olduqlarını bildirib.