Ruslar Ukraynada atom elektrik stansiyasına hücum etdi - təcili Bayden Zelenski ilə danışdı

Ukrayna Fövqaladə Hallar Xidməti Rusiya ordusunun Zaporojye atom elektrik stansiyasına (AES) hücumu haqqında operativ məlumat yayıb.

Məlumatda bildirilir ki, AES-in qarşısındakı təlim binasında yanğın baş verib. Döyüş davam etdiyindən yanğınsöndürənlərin onu  söndürülməsinə imkan verilməyib. Xilasedicilər hazır vəziyyətdədir.

Saat 02:26-da Enerqodar şəhərində Zaporojjya AES-də üçüncü enerji bloku vahid enerji sistemindən ayrılıb.

"İşğalçılar Avropanın ən böyük atom elektrik stansiyasına bu həyasız hücuma görə ağır cəzalandırılacaqlar!", -məlumatda deyilir.

Reuters xəbər verir ki, Bayden Zelenski ilə telefon danışığı aparıb. Bayden və Zelenski telefon danışığı zamanı Zaporojye atom elektrik stansiyası ətrafındakı vəziyyəti müzakirə ediblər