Kiyev əsir düşən rus əsgərləri üçün “Qaynar xətt” açır - “Ukraynadan sağ qayıt!”

Ukrayna Müdafiə Nazirliyi Ukrayna ərazisini işğal edən rus əsgərlərinin yaxınları üçün "Qaynar xətt" açır.

Olaylar.az xəbər verir ki, bu barədə daxili işlər nazirinin müşaviri Anton Geraşenko məlumat verib.

Onun sözlərinə görə, qaynar xətt "Ukraynadan sağ qayıt!" adlanacaq.

"Bu qaynar xətt vasitəsilə siz qohumlarınızın hələ də sağ olub-olmadığını, əsir düşüb-düşmədiyini, xəsarətlərinin olub-olmadığını öyrənə və ya ölən qohumunuzun cəsədini nə vaxt və necə götürəcəyinizə qərar verə bilərsiniz", - Geraşenko deyib. O, söz verib ki, əsir düşənlərə qısa mesaj göndərmək imkanı da yaradılacaq.

azpost.info