Ukrayna hərbçiləri silahı yerə qoymur, atışmalar davam edir- DXR

Olaylar.az xarici KİV-ə istinadən xəbər verir ki, DXR-in xalq milisləri rəhbərinin müavini Eduard Basurin təmas xəttində atışmaların intensivliyinin artdığını, Ukrayna hərbçilərinin silahlarını yerə qoymadığını bildirib.

Bu barədə  Basurin fevralın 24-də "Rossiya 24" (Rossiya 24) telekanalına müsahibəsində danışıb.

"Ukrayna daxilində nə baş verdiyini deyə bilmərəm, lakin sizə təmas xətti haqqında danışacağam. Ukrayna hərbçiləri tərəfindən atışmaların intensivliyi getdikcə artır , hazırda onlar öz mövqelərini əllərindən buraxmır. Hərbi qruplaşma çox böyük olduğundan vəziyyət çox mürəkkəbdir"-deyə o söyləyib.

Rusiya prezidenti Vladimir Putin fevralın 24-də səhər televiziya ilə çıxışında bildirib ki, Donbass respublikalarının rəhbərlərinin müraciətinə cavab olaraq, "sui-istifadə və zorakılıqdan əziyyət çəkən insanları qorumaq üçün xüsusi hərbi əməliyyat keçirmək qərarına gəlib. Rusiya lideri vurğulayıb ki, Moskvanın Ukrayna ərazilərini işğal etmək planı yoxdur.