Qazaxıstanda An-2 təyyarəsi qəzaya uğrayıb

Olaylar.az xarici KİV-ə istinadən xəbər verir ki,  Qazaxıstanın Aralsk şəhəri yaxınlığında özəl aviaşirkətə məxsus An-2 təyyarəsi eniş zamanı yanıb, ölən və xəsarət alan olmayıb.

Bu barədə fevralın 23-də  Qazaxıstan Sənaye və İnfrastrukturun İnkişafı Nazirliyinin Mülki Aviasiya Komitəsinin mətbuat xidməti məlumat yayıb.

"Bu gün saat 12:30-da  Aralskdan 10 km cənubda eniş edərkən "Taraz Jana Alem" özəl aviaşirkətinin An-2 təyyarəsi yanıb. Təyyarə Qızılordada təcili yardım uçuşu həyata keçirirdi. Təyyarədə iki ekipaj üzvü və bir sərnişin olub. Ölən və ya xəsarət alan olmayıb", - məlumatda deyilir.

Faktla bağlı Qazaxıstan Sənaye və İnfrastrukturun İnkişafı Nazirliyinin xüsusi şöbəsi araşdırmalar aparır.