Donbasın 96 mindən çox sakini Rusiya sərhədini keçib: Çupriyayan

Olaylar.az xarici KİV-ə istinadən xəbər verir ki, təxliyə barəsində qərar  elan edildikdən sonra DXR və LPR-nin 96 mindən çox sakini Rusiyaya gəlib. 

Bu barədə fevralın 23-də Rusiya Fövqəladə Hallar Nazirliyinin rəhbəri vəzifəsini icra edən Aleksandr Çupriyayan bildirib.

"Moskva vaxtı ilə saat 06:00-da Rusiya sərhədini 96 mindən çox insan keçib"-deyə o söyləyib. Nazir vəzifəsini icra edənin sözlərinə görə, hazırda Rusiya Federasiyasının 12 regionunda onlar üçün 230 müvəqqəti yerləşdirmə mərkəzi fəaliyyət göstərir.

Rusiyaya təxliyə edilən 800-dən çox Donbas sakini tibbi yardım üçün müraciət edib, Fövqəladə Hallar Nazirliyinin rəhbəri vəzifəsini icra edən bildirib.

"800-dən çox insan tibbi yardım üçün müraciət edib. Onlardan 76-sı xəstəxanaya yerləşdirilib, o cümlədən 34 uşaq", - o, bunu "Vahid Rusiya" partiyasının regional bölmələri ilə görüşdə deyib.

O qeyd edib ki, Donbasda vəziyyətin mürəkkəbləşməsi halında təxliyə edilənlərin sayı 500 min nəfərə çata bilər. Rusiyanın 70-dən çox regionu Donbasdan təxliyə edilənləri qəbul etməyə hazırdır, hazırda 48 subyektlə iş gedir, Fövqəladə Hallar Nazirliyinin rəhbəri vəzifəsini icra edən bildirib.