Vladimir Putinlə Lukaşenkonun görüşü bitdi

Rusiya Prezidenti Vladimir Putin və belaruslu həmkarı Aleksandr Lukaşenko arasında görüş başa çatıb.

Olaylar.az "RİA Novosti"yə istinadən xəbər verir ki, danışıqlar iki saat yarım davam edib. Liderlər daha sonra mətbuata açıqlama veriblər. 

Putinin sözlərinə görə, görüş dostluq və eyni zamanda işgüzar şəraitdə keçib. O vurğulayıb ki, Moskva və Minsk strateji tərəfdaşdır, yaxşı qonşu, ən yaxın müttəfiqlərdir:

"Bizi ümumi tarix, mənəvi dəyərlər möhkəm birləşdirir. Çoxşaxəli ikitərəfli əməkdaşlıq həmişə qarşılıqlı hörmət, dəstək və bir-birinin maraqlarının nəzərə alınması prinsipləri üzərində qurulub".