288 sərnişinin olduğu gəmidə yanğın baş verib

Olaylar.az xarici KİV-ə istinadən xəbər verir ki, Yunanıstan liman polisi İon dənizində 237 sərnişin və 51 ekipajı olan İtaliya bayraqlı kruiz gəmisində yanğın baş verdiyini açıqlayıb.

Yunan polisi bildirib ki, Yunanıstanın İqoumenitsa şəhərindən İtaliyaya gedən Euroferry Olympia gəmisindən enən sərnişinlərə kömək etmək üçün üç yedək gəmisi və üç patrul qayığı göndərilib.

"Euroferry Olympia"nın kapitanı sərnişinlərdən qayığı tərk etməyi xahiş edib", - polis bildirib.

İtkilər barədə  heç bir məlumat verilməyib.

Yunanıstan sahil mühafizəsinin verdiyi məlumata görə, yanğının səbəbi hələlik məlum deyil və hadisə ilə bağlı araşdırmalara başlanılıb.