Türkiyə genişmiqyaslı antiterror əməliyyatına başlayıb

Türkiyənin Daxili İşlər Nazirliyi Diyarbəkirdə 400 nəfərdən ibarət heyətlə Eren Qış-21 antiterror əməliyyatına başlayıb.
Olaylar.az xəbər verir ki, bu barədə Daxili İşlər Nazirliyi açıqlama verib.

"Ölkədə terroru tamamilə aradan qaldırmaq üçün həyata keçirilən Eren Qış əməliyyatları xalqımızın dəstəyi ilə, inam və qətiyyətlə uğurla davam edir", - deyə nazirlikdən verilən açıqlamada bildirilir.

Əməliyyat PKK terror təşkilatını ölkə gündəmindən çıxarmaq və bölgədə sığınacaq yeri müəyyən edilən terrorçuları zərərsizləşdirmək məqsədi daşıyır.