6 avtomobilin toqquşması nəticəsində bir nəfər ölüb

Olaylar.az TASS-a istinadən xəbər verir ki,  Yeni Moskvada 6 avtomobilin toqquşması nəticəsində 1 nəfər ölüb, 2 nəfər yaralanıb. 

Bu barədə TASS-a hüquq-mühafizə orqanlarındakı mənbə məlumat verib.

"Hadisə Brest-Kaluqa mərhələsinin 4-cü km-də baş verib. Üç "Kamaz" və üç "Qazel" maşını iştirak edib. Bir nəfər ölüb, daha iki nəfər yaralanıb", - agentliyin həmsöhbəti bildirib. Onun sözlərinə görə, hər iki istiqamətdə iki zolaqda nəqliyyatın hərəkəti kəsilib. Hadisə yerinə yanacaq dağılıb.

Bundan əvvəl Yeni Moskvanın Şişkin Les kəndi yaxınlığında 6 avtomobilin toqquşduğu bildirilirdi. Dörd nəfər avtomobillərdə sıxılmış vəziyyətdə qalıb.

Moskvada yol polisi idarəsinin mətbuat xidməti qəzanın ilkin səbəbinin məsafəyə riayət edilməməsi olduğunu bildirib. "İlkin məlumatlara görə, Şçapovskoye qəsəbəsi yaxınlığındakı "Moskva Kiçik Halqası"nda (A-107) 5 yük maşını toqquşub. Hadisə nəticəsində 1 nəfər ölüb, 1 nəfər yaralanıb. Hazırda hadisənin bütün halları müəyyənləşdirilir. Əvvəllər qəzaya səbəb məsafəyə riayət edilməməsi olub", - məlumatda deyilir.