Bu ölkədə koronavirusun Omicron ştammına yoluxma kəskin artdı

Olaylar.az xarici KİV-ə istinadən xəbər verir ki, Belçikada COVID-19 virusuna yoluxma  hallarının orta gündəlik sayı 49,289-a çatır, Omicron variantına yoluxma halları isə  94,5 faizini təşkil edib.

Belçika Milli İctimai Sağlamlıq İnstitutunun açıqladığı həftəlik məlumatlara görə, 16-22 yanvar tarixləri arasında hər gün orta hesabla 49.289 yeni yoluxma aşkar edilib və bu, həftəlik bazda yüzdə 77 artıb.

Omicron variantı infeksiyaların 94,5 faizini təşkil etdiyi halda, epidemiya başlayandan bəri ölkədə ümumilikdə 2,9 milyondan çox insan yoluxub.

Eyni dövrdə gündə orta hesabla 114,4 min test aparılıb ki, bunun da 45,2 faizi müsbət olub.

Xəstəxanaya yerləşdirmələrdə yüzdə 51 artım

Yanvarın 19-dan 25-dək ölkədə hər gün orta hesabla 330 nəfər xəstəxanaya yerləşdirilib ki, bu da 51 faiz artım deməkdir. Hazırda xəstəxanalarda 3438 xəstə var, onlardan 367-nin müalicəsi reanimasiya şöbələrində davam etdirilir. Ötən həftə ilə müqayisədə reanimasiya nisbəti yüzdə 6 azalıb.Həyatını itirənlər isə yüzdə 20 artımla 25 olaraq qeyd edildi. Epidemiya başlayandan bəri ölkədə 28,900-dən çox ölüm hadisəsi baş verib.

gücləndirici doza peyvəndi

Belçikada təxminən 6,3 milyon insan gücləndirici doza aldı. Bu, ümumi əhalinin 55 faizinə və yetkin əhalinin 68 faizinə bərabərdir.

Ölkədə əhalinin 76,8 faizi tam peyvənd olunub.

Belçikada ayın əvvəlindən yüksək riskli şəxslə təmasda olanlar üçün karantin və PCR test şərtləri qaldırılıb və karantin müddəti 7 günə endirilib.