İran, Çin və Rusiya donanmalarının Hind okeanında birgə təlimləri başlayıb

Olaylar.az xarici KİV-ə istinadən xəbər verir ki, İran, Çin və Rusiya Silahlı Qüvvələrinin "Dəniz təhlükəsizliyi kəməri" adlı birgə hərbi dəniz təlimləri yanvarın 21-də səhər Hind okeanının şimal hissəsində başlayıb. Bu barədə Mehr agentliyi məlumat yayıb .Qeyd olunur ki, İran tərəfdən manevrlərdə İslam İnqilabı Keşikçiləri Korpusunun Hərbi Dəniz Qüvvələrinin bölmələri (SEPAH, İran Silahlı Qüvvələrinin elit bölmələri) və İran ordusu iştirak edir.

"Proqrama əsasən, müxtəlif taktiki manevrlər, o cümlədən yanan gəminin xilas edilməsi, qaçırılan gəminin azad edilməsi və gündüz və gecə dəniz hədəflərinə atəş açılması planlaşdırılır", - Dəniz Təhlükəsizlik Kəməri təliminin sözçüsü admiral Mostafa Tajodini bildirib.

Yanvarın 19-da Sakit Okean Donanması üzrə Şərq Hərbi Dairəsinin (VVO) mətbuat xidməti bildirib ki, Sakit Okean Donanmasının üç gəmisi İran, Rusiya və Çin arasında birgə təlimlərdə iştirak etmək üçün İranın Çabahar limanına gəlib. Gəmi dəstələri 2022-ci ilin başlamasına bir neçə gün qalmış Vladivostokdan uzun bir səyahətə çıxıb.