Vicdan sızladan hadisə: Müdir işçini baqajda aparıb ki, maşını çirklənməsin

Olaylar.az xəbər verir ki, Antalyanın Qazipaşa rayonunda tikinti şirkətinin sahibi olduğu iddia edilən şəxs, ayaqqabılarını dəyişmək üçün  mağazaya apardığı işçini oturacaq yerinə baqajda gəzdirib. Vəziyyəti görənlər hadisəyə böyük reaksiya veriblər.

Bu barədə HABER 7 informasiya agentliyində məlumat yayılıb.

Vicdan sızladan hadisə ötən günlərdə Qazipaşa rayonunda baş verib. İnşaat sektorunda bizneslə məşğul olan bir firmanın sahibi işçiyə işləyərkən geyinməsi üçün ayaqqabı alıb, lakin ölçüsü kiçik olub. Sonra rəis işçini mağazaya aparmaq istəyib. Tikinti bazarının qarşısına gələndə ön və ya arxa oturacaq əvəzinə açılan baqajdan enən işçini görənlər gözlərinə inanmayıb. Baqajdan enərək  mağazaya daxil olan və ayaqqabısını dəyişən işçi yenidən baqaja girib və vətəndaşın köməkliyi ilə qapı bağlanıb.
Görənlərin böyük reaksiyasına səbəb olan hadisə mobil telefonlara və təhlükəsizlik kameralarına əks olunub. Nəqliyyat vasitəsinin sahibi işçini baqaja girməyə məcbur etmədiyini, baqajın çirkli olduğu üçün içəri girmək istədiyini iddia edib.