Hindistanda qatar qəzası zamanı ölənlərin sayı 9-a çatıb

Hindistanda sərnişin qatarının 12 vaqonunun relsdən aşması nəticəsində 9 nəfər ölüb, 70-dən çox sərnişin xəsarət alıb.
Olaylar.az xəbər verir ki, hadisə Qərbi Benqal ştatında baş verib.
Hazırda xilasetmə əməliyyatları başa çatdırılıb, araşdırma aparılır. Hadisə zamanı qatarda 1 053 sərnişin olub. Ölkənin yollar naziri ölənlərin hər birinin ailəsinə 500 min, ağır xəsarət alanların hər birinə 100 min, yüngül xəsarət alanların hər birinə isə 25 min rupi ödəniş ediləcəyini açıqlayıb.