Bu ölkədə dəhşətli yanğın hadisəsi baş verdi: 100 ev kül oldu

Olaylar.az xarici KİV-ə istinadən xəbər verir ki, Çilinin  Iquique şəhərində məhəllədə yanğın baş verib. Yanğınsöndürən maşınlar məhəllənin dar küçələrinə girə bilməyib. Nəticədə  100 ev yanaraq kül olub.

Məlumata görə, xilasetmə maşınları məhəllədəki dar yollara girə bilməyib və qruplar vasitələrdən uzadılan xortumlarla alovlara çatmağa çalışıb. Məhəllədə suyun kəsilməsi müdaxiləni daha da çətinləşdirib.

100 ev yanıb, yanğının səbəbi məlum deyil

Uzun müddətdir söndürülə bilməyən yanğında ən azı 100 evin yandığı, xəsarət alanların olmadığı açıqlanıb.

Bələdiyyə evlərini itirənləri təcili sığınacaqlara yerləşdirəcəyini söyləyib.

Məhəllədə baş verən yanğının səbəbi hələlik məlum deyil.