Fransada  güclü yağış və daşqınlara görə qırmızı təhlükə elan edilib

Olaylar.az xarici KİV-ə istinadən xəbər verir ki, Fransanın cənubunda 5 bölgədə güclü yağışın səbəb olduğu daşqınlara görə "qırmızı xəbərdarlıq" elan edilib.

Meteo (Fransa Meteorologiya İdarəsi) ölkənin cənub-qərbində Pireney-Atlantik, Landes, Hautes-Pyrenees, Haute-Garonne və Ariege bölgələrində güclü yağış və daşqınlara görə "qırmızı təhlükə" elan edib.

Gerd, Nord və Aisne bölgələrində daşqın riski, Pireney-Şərq bölgəsində isə uçqun təhlükəsi ilə bağlı "narıncı xəbərdarlıq" elan edilib.

Palçıq daşqınlarının Pireney-Atlantik və Landes bölgəsində də müşahidə oluna biləcəyi bildirilir.

Yerli mətbuat Pireney-Atlantik bölgəsinin Bask əyalətində ən azı 900 evə elektrik enerjisinin verilə bilmədiyini, bölgənin bəzi bölgələrində dəmir yolu nəqliyyatının dayandırıldığını, bəzi şəhərlərdə məktəblər üçün nəqliyyat fəaliyyətlərinin ləğv edildiyini yazıb.