Almaniya və Rusiyanın  diplomatları tezliklə görüşəcəklər

Olaylar.az TASS-a istinadən xəbər verir ki, Almaniyanın xarici işlər naziri Annalena Baerbok yaxın vaxtlarda rusiyalı həmkarı Sergey Lavrovla görüşəcək.

Bu barədə hökumət sözçüsü Volfqanq Büçner dekabrın 29-da brifinq zamanı bildirib.

"Almaniyanın xarici işlər naziri Annalena Baerbock yaxın gələcəkdə Rusiya xarici işlər naziri Sergey Lavrovla görüşmək planlarını açıqlayıb" - sözçü bildirib.

Məlumata görə, ATƏT platforması çərçivəsində Qərb və Rusiya da danışıqlar aparmağa hazırlaşır.

Lavrov daha əvvəl qeyd edib ki, Almaniyanın yeni baş diplomatı Rusiyaya səfər dəvətini qəbul edib.