90 yaşlı qadın 9 saat liftdə qaldı

Olaylar.az xarici KİV-ə  Leninqrad vilayətinin Vsevolojski rayonunda müstəntiqlər 90 yaşlı təqaüdçünün 9 saat liftdə qalması ilə bağlı cinayət işi açıb. Gün ərzində bir neçə dəfə qadın təcili yardım dispetçerinə zəng edib, lakin uzun müddət ərzində müraciətlərə məhəl qoyulmayıb.

Bu barədə  Rusiya İstintaq Komitəsinin bölgə üzrə İstintaq İdarəsinin mətbuat xidməti bildirib. 

Hazırda dispetçer saxlanılıb.

"90 yaşlı təqaüdçünün nasaz liftdə uzun müddət olması ilə bağlı aparılan istintaqın nəticələrinə əsasən, "a" bəndində nəzərdə tutulmuş cinayət maddəsi ilə cinayət işi başlanıb" - deyə məlumatda bildirilir.

İstintaqın məlumatına görə, bazar günü günortadan sonra yaşlı qadın Staraya kəndindəki evlərdən birinin liftinə daxil olub, mərtəbələr arasında lift təcili olaraq sürətini azaldıb və dayanıb. Təqaüdçü dəfələrlə dispetçerlə telefonla əlaqə saxlasa da, köməklik göstərmək və təmir briqadasını çağırmaq üçün heç bir tədbir görülməyib. Müstəntiqlər bildirirlər ki, lift vaqonunda doqquz saat qalma qadının sağlamlığına mənfi təsir edib. Pensiyaçının bir gün əvvəl əlaqə saxladığı məsul idarəetmə şirkətinin dispetçeri saxlanılıb. İstintaq-əməliyyat qrupu hadisə yerində olub.