Rusiya Əfqanıstana yenidən humanitar yardım göndərəcək

Olaylar.az TASS-a istinadən xəbər verir ki, Moskva dekabrın 18-də Kabilə humanitar yardım çatdıracaq və rusları təxliyə edəcək.

Bu barədə  Rusiya prezidentinin Əfqanıstan üzrə nümayəndəsi və Xarici İşlər Nazirliyinin İkinci Asiya Departamentinin direktoru Zamir Kabulov dekarın 17-də  mediaya açıqlamasında bildirib.

"Bəli, əgər hava şəraiti imkan verərsə", - deyə  Rusiya nümayəndəsi bildirib.

Bir neçə gün əvvəl Kabilə yağan ilk qar Əfqanıstan paytaxtının hava limanında uçuşların gecikməsinə və təxirə salınmasına səbəb olub.

Dekabrın 1-də Rusiyanın üç İlyuşin İl-76 təyyarəsi Kabilə 36 ton humanitar yük çatdırıb və 214 Rusiya və Qırğızıstan vətəndaşını, həmçinin Rusiya universitetlərində təhsil alan əfqanları təxliyə edib.