Təhlükəsizlik Şurasının katibi İndoneziyaya səfər edib

Olaylar.az TASS-a istinadən xəbər verir ki, Rusiya Təhlükəsizlik Şurasının katibi Nikolay Patruşev İndoneziyaya işgüzar səfərə başlayıb, O, dekabrın 13-də  Cakartaya gəlib. 

Bu barədə məlumatı Təhlükəsizlik Şurasının mətbuat xidməti yayıb.

"Nikolay Patruşev təhlükəsizlik üzrə Rusiya-İndoneziya məsləhətləşmələrinin aparılacağı Cakartaya işgüzar səfərə gəlib" - deyə məlumatda deyilir.

Rusiya Təhlükəsizlik Şurasının katibi sonuncu dəfə 2018-ci ilin martında Cakartaya səfər edib. Daha sonra Patruşev təhlükəsizlik məsələləri üzrə məsləhətləşmələr aparıb, həmçinin İndoneziya prezidenti Coko Vidodo ilə görüşüb. Onlar, digər məsələlərlə yanaşı, beynəlxalq terrorizmlə mübarizə, o cümlədən onun maliyyələşdirilməsinə qarşı mübarizə sahəsində iki ölkənin qarşılıqlı fəaliyyətini müzakirə ediblər.

Bundan əlavə, Patruşev Kamboca Krallığına səfər etməyi planlaşdırır və burada təhlükəsizliklə bağlı məsləhətləşmələr də keçirməyi planlaşdırır.