Polşa sərhəddə girişi məhdudlaşdırdı

Olaylar.az  xarici KİV-ə istinadən xəbər verir ki,Polşa Belarusun sərhəd zonasına girişi üç ay müddətinə məhdudlaşdırıb.

Bu barədə Polşanın daxili işlər naziri Mariuş Kaminski dekabrın 1-də axşam saatlarında dərc olunan fərmana əsasən bildirilib.

Qadağa Belarusla sərhəddən 3 km məsafədə yerləşən 183 yaşayış məntəqəsinə şamil ediləcək. Məhdudiyyətlər dekabrın 1-dən qüvvəyə minəcək və martın 1-dək qüvvədə qalacaq.

Qərar dekabrın 1-dən Polşa prezidenti və parlamenti tərəfindən təsdiq edilmiş dövlət sərhədi haqqında Polşa qanununa edilən yeni düzəlişlərə əsasən verilib.