Yoluxanların sayı 38 420 nəfərə çatıb

Olaylar.az TASS-a istinadən xəbər verir ki, Rusiyada son sutka ərzində koronavirusa yoluxanların sayı 38 420 artaraq, 9 109 094 nəfərə çatıb.

Bu barədə koronavirusla mübarizədə böhran mərkəzindən məlumat verilib.

Yoluxmaların nisbi artım tempi 0,42% təşkil edib.

Xüsusilə son sutka ərzində Sankt-Peterburqda-2968, Moskvada isə 2666 yeni yoluxma halı aşkarlanıb. Həmçinin, Samarada-1789, Krım Respublikasında-860, Nijni Novqorodda isə 779 nəfərdə koronavirusa yoluxma halı qeydə alınıb.

Ümumilikdə, hazırda Rusiyada 1 039 940 nəfər koronavirus  xəstəsi müalicəsini davam etdirir.