Bu ölkədə koronavirusa yoluxanların sayı kəskin şəkildə artıb

Olaylar az xəbər verir ki, Gürcüstanda son sutka ərzində koronavirusa yoluxanların sayı 2141-ə çatıb. Ölənlərin sayı 44 nəfərdir.

Bu barədə StopCov rəsmi saytının məlumatında bildirilir. Ümumilikdə pandemiyanın başlandığı gündən ölkədə 721 388 yoluxma halı müəyyən edilib. 

Yoxlanılanların ümumi artım tempi  gün ərzində - 10,77%, son 14 gündə - 8,94%, son bir həftədə- 8,83% təşkil edib.

Bu vaxta qədər Gürcüstanda koronavirusa qarşı 1 978 857 peyvənd edilib, o cümlədən son sutka  ərzində 1 402 peyvənd edilib.

Xatırladaq ki, Gürcüstanda ilk koronavirus hadisəsi 26 fevral 2020-ci ildə qeydə alınıb.