Koronavirusdan ölənlərin sayı 5 milyonu keçdi

Olaylar.az xarici KİV-ə istinadən xəbər verir ki, koronavirusdan ölənlərin ümumi sayı 5 milyonu ötüb.

Bu barədə ÜST-ün rəsmi saytında məlumat yayılıb.

Məlumata görə, Bu günə qədər bütün dünyada COVID-19-un səbəb olduğu 5.002.643 ölüm faktı qeydə alınıb. Ümumilikdə, pandemiyanın başlanğıcından indiyədək 245 milyondan çox insanda virus aşkarlanıb.

Xatırladaq ki, ilk ölüm hadisəsi 2020-ci il yanvarın 11-də qeydə alınıb. Ölənlərin sayı sentyabrın 28-də 1 milyona, 2021-ci il yanvarın 15-də isə dörd aydan az müddətdə 2 milyona çatıb. Daha üç aydan sonra 3 milyon həddi keçib.

Yeni yoluxmanın ölümcüllük dərəcəsi 2,03% təşkil edir, bu göstərici bir ilə yaxındır ki, 3%-i ötmür.