Lavrovdan Əfqanıstana xəbərdarlıq

Olaylar.az TASS-a istinadən xəbər verir ki, Moskva Əfqanıstanın qonşu dövlətlərini ABŞ və NATO-nun öz ərazilərində hərbi mövcudluğunun qarşısını almağa çağırıb. 

Bu barədə  Rusiyanın xarici işlər naziri Sergey Lavrov oktyabrın 27-də videomüraciətində bildirib.

"Biz bir daha Əfqanıstanın qonşu ölkələrini ABŞ və NATO-nun öz ərazilərində hərbi mövcudluğunun qarşısını almağa çağırırıq, çünki onlar Əfqanıstandan qoşunların çıxarılması fonunda oraya köçməyi planlaşdırırlar"-deyə nazir söyləyib.

Xatırladaq ki, Rusiya Təhlükəsizlik Şurası katibinin müavini Yuri Kokov bir müddət əvvəl "Rossiyskaya qazeta" qəzetinə verdiyi müsahibədə ABŞ-ın terrorçu qruplaşmalara qarşı mübarizə adı altında, pilotsuz uçuş aparatları yerləşdirmək üçün bazalar və mərkəzlər yaratmaqla Əfqanıstanın qonşu ölkələrində möhkəmlənməyə çalışdığını bildirib.