ABŞ ordusu Əl-Qaidə liderlərindən birini məhv edib

Olaylar.az xarici KİV-ə istinadən xəbər verir ki, ABŞ ordusu Suriyanın şimal-qərbində hava hücumu zamanı "Əl-Qaidə"nin liderlərindən birini məhv edib.

Bu barədə ABŞ Mərkəzi Komandanlığının bəyanatında bildirilib.

"Bu gün Suriyanın şimal-qərbində ABŞ-ın hava hücumu zamanı Əl-Qaidənin yüksək rütbəli lideri Əbdül Həmid əl-Matar öldürülüb.MQ-9 təyyarəsi ilə həyata keçirilən zərbə nəticəsində mülki vətəndaşların tələfatına dair heç bir məlumat yoxdur"-deyə açıqlamada deyilib.

Əlavə olaraq bəyanatda ABŞ ordusunun mayoru Con Riqsbi bildirib ki, Əl-Qaidənin bu yüksək rütbəli liderinin vəzifədən kənarlaşdırılması terror təşkilatının ABŞ vətəndaşlarını, tərəfdaşlarımızı və günahsız mülki insanları təhdid edən qlobal hücumlar təşkil etmək və həyata keçirmək qabiliyyətini pozacaq.